Klokka 06.10 melde politiet på X/twitter at det hadde gått eit sørpeskred over E39 ved Flåskjer på Vartdalsstranda.
Skredet er om lag ein meter høgt og har ei breidde på rundt førti meter. E39 er stengt pga skredet.
Det er omkøyring via Hareid - Sulesund.
Geologar har vore på synfaring på rasstaden, og konkluderte med at E39 må haldast stengt heile laurdag.
På vegvesen.no skriv Statens Vegvesen at vegen kan bli stengt heilt fram til søndag føremiddag.
