Ørsta kommune utvidar kokepåbodet for abonnentar i Åmdalen. Oppmodinga om å koke vatnet gjeld no for området frå Høgebrua til Bondalseidet.
Kommunen skriv på sine heimesider onsdag ettermiddag:
«Vi har fått melding om funn av bakteriar på kommunalt leidningsnett i område frå og med Høgebru, Åmås, Åmdal, og fram til og med Bondalseidet. Vi oppmodar alle som er tilknytt kommunal vassforsyning i dette området om å koke alt vatn som skal nyttast til drikke og matlaging. Kommunen har sett i verk kloring av leidningsnettet for å fjerne bakteriar. Kloring er ufarleg, men kan gi noko lukt og smak på vatnet. Det vert gitt varsel når vatnet er trygt å nytte utan koking.»
På grunn av ei mistyding låg det ei kort stund ute ei melding om kokepåbod for alle tilknytt Ørsta Vassverk på morenytt.no