Olivia og Lucas var dei mest populære namna på nyfødde i Noreg i fjor

Det viser namnestatistikken frå Statistisk sentralbyrå (SSB).

Det var 366 jenter som fekk namnet Olivia i fjor, og 494 som fekk gutenamnet Lucas. På andreplass var namna Emma og Noah, og på tredjeplass var Ella og Isak.

I 2022 var det jentenamna Nora, Emma og Olivia som toppa statistikken. Hos gutane var det namna Jacob, Noah, og Emil som var mest populære.

SSBs namnestatistikk blir oppdatert kvart år, og han viser kva namn som har vorte gitt til nyfødde som er folkeregistrerte i Noreg.

Dei ti mest populære jentenamna i 2023 var Olivia, Emma, Ella, Leah, Sofie, Nora, Sofia, Maja, Alma og Ada.

Blant gutenamn i 2023 var det Lucas, Noah, Isak, Oliver, Kasper, Elias, Emil, Jakob, Oskar og Theodor som toppa lista.

Det mest brukte norske kvinnenamnet gjennom tidene er elles Anna, og det mest brukte mannsnamnet er Ole.

(©NPK)