Formålet med tilskotsordninga er å bidra til auka deltaking i aktivitetar utandørs i lokalsamfunnet, fleire, betre og tryggare leikeplasser, møteplassar og aktivitetstilbod for alle aldersgrupper, betre oppvekstmiljø, auka trivsel, tryggleik og tilhøyrsle. Tilskotet skal oppmuntre til lokalt initiativ, planlegging og forankring i grendalag og utvikling av samarbeid i buområde.
Midlane skal brukast til opprustingstiltak eller igangsetting av nye tiltak. Det kan søkjast om innkjøp og vedlikehald av leikeapparat i buområde. Det kan også søkast tilskot til investeringar og til tiltak som f.eks. sikkerheitsgjerde, bord og benkar, belysning o.a. Tiltaket det blir søkt om må vere ope for alle, og søkjar tek på seg ansvar for å sikre vedlikehald av utstyr og område. Ved signering av tildelingsbrevet blir dette ansvaret automatisk akseptert.
Ein kan søke om maksimalt 50 000 kroner, står det å lese på Volda kommune sine heimesider.