Arctic Bioscience I Hovdebygda har signert ein ny avtale med Tromsø Nutrition Technologies Co. LTD, eit dotterselskap av Kotler Marketing Group China.
Avtalen utvidar eit allereie eksisterande samarbeid ut 2025.
– Vi er glade for å halde fram samarbeidet med Kotler Marketing Group I Kina. Dette gjev oss tilgang til ein større del av den kinesiske marknaden, seier sjefen i Arctic Bioscience, Christer L. Valderhaug, i ei pressemelding.
Produkta til Arctic Bioscience kan delast i to hovudgrupper, medisin og kosttilskot. Kosttilskotet er alt på marknaden gjennom merkevara Romega. Mellom anna vert det altså satsa stort på Kina som marknad.