Innbyggarane i Møre og Romsdal har gjennom Stikk UT! vist at dei er blant dei ivrigaste turgåarne i landet. Men då vert det naturleg nok også meir slitasje på dei mest populære stiane.
All denne trafikken har ført til mellom anna gjørmete stiar, og nokre stader ført til stygge sår i naturen. Enkelte parti har fått stor slitasje.
Men no kan ein altså søke midlar frå fondet til reparasjon av stiane.
Det er Stikk UT! sin hovudsponsor Sparebanken Møre som har gjort turstifondet mogleg ved at dei har gitt 500.000 kroner til dette.