FHI informerer kommunane om at Pfizer kjem med ein oppdatert vaksine som skal vere betre tilpassa dei ulike variantane av covid-viruset - som blant anna omikron.
Det fortel Ørsta kommune på si heimeside.
Denne vaksinen skal brukast som oppfriskningsdose og ikkje ein del av grunnvaksineringa.
«Ørsta kommune kan tilby denne vaksinen i veke 38, og har dermed oppretta ny vaksinasjonsdag 22. september. Vi held fram med timebestilling via Helsenorge eller ved å ringe vaksinasjonstelefonen», skriv kommunen.
Dei som står oppført for vaksinasjon den 15. september skal ha fått ei tekstmelding med informasjon.
Personar som nyleg er vaksinerte med oppfriskingsdose med den opprinnelege vaksinen, har allereie gjennom denne dosen fått styrka sin immunitet mot alvorleg sjukdom og treng difor ikkje ytterlegare ny dose med oppdatert vaksine no.