Politiet i Møre og Romsdal melde klokka 02.33 natt til laurdag om eit trafikkuhell i Follestaddalen.
Ein bil med to personar hadde køyrt utfor vegen.
Politi og ambulanse rykte ut til staden, og kunne så opplyse at ingen vart skadde i trafikkuhellet.
Sunnmørsposten har laurdag føremiddag snakka med Roar Fylling, operasjonsleiar i politiets operasjonssentral om hendinga.
– Veit de kva som er årsaka til utforkøyringa?
– Det er umogleg å seie kva som er årsaka. Det ser ut til at det ikkje har vore noko spesielt som har skjedd i forkant at utforkøyringa.
Det sat to personar i bilen. Ingen av desse er skada.
– Ein passasjer har fått gebyr for manglande bruk av bilbelte, seier Fylling.
Bilberging vart tilkalla for å få bilen opp på vegen igjen.
Politiet opprettar sak som blir ettersøkt vidare.
Det er ikkje mistanke om påverknad av promille, understrekar Fylling.
