Det nye skuleåret starta måndag, og Ørsta kommune ber huseigarar om å klippe hekkar og annan vegetasjon slik at gater, vegar og fortau vert trygge for borna å ferdast på.
-Fri sikt er eit viktig trafikktryggingstiltak. Du må sørge for at gjerde og busker/planter er så låge at alle kan gå, sykle eller køyre trygt forbi eigedomen din. Du finn meir informasjon om klipping av hekkar og busker på nettsidene til statens vegvesen, skriv Ørsta kommune på si heimeside.
Kommunen minner om at alle som eig eller disponerer du ein eigendom med avkøyrsle til veg eller gang- og sykkelveg har ansvaret for å syte for fri sikt ved denne.