NINA har fått løyve frå Miljødirektoratet til å drive slikt overvakingsfiske mellom september og november i år.
Fisket skal gå føre seg i 10 fylke frå Finnmark i nord til Østfold i sør. Elvar og vassdrag i Ørsta er med i prosjektet. Vassdrag i Volda er ikkje med.
NINA står ansvarleg for granskinga, men det er lokale fiskarar som koordinerer fisket. Fisket skal hovudsakleg gå føre seg med stong, men håv, not og garn kan også brukast.
All villaks, sjøaure og sjørøye skal bli sleppt ut att etter fangst. Det fiskarane går ut ifrå er rømt oppdrettsfisk, skal avlivast.
Det blir teke skjellprøver av all laks, sjøaure og regnbogeaure som blir fanga. Fisken skal også målast og kjønnsbestemmast.
Fylkesmannen og politiet skal varslast før fisket tek til.