Berekraft, pandemi og klimakrise er ord som pregar nyheitsbiletet. For at folk både skal kunne undervise i og forstå betre slike komplekse tema, satsar Høgskulen i Volda på eit splitter nytt og fleksibelt studium innan naturfag, fortel skulen i ei pressemelding.
Gjennom eit nett- og samlingsbasert studium, Naturfag 8.–13. trinn, vil ein no kunne ta 60 studiepoeng innan naturfag. Tanken er at studentane skal kunne tilpasse løpet til kvardagen sin.
– Vi er veldig glade for å kunne tilby denne nye utdanninga, fortel førsteamanuensis Carlos David Magnusson.
Saman med Magnusson er det førsteamanuensis Jan Håkon Vikane, høgskulelektor Øyvind Roger Halse og førsteamanuensis Øyvind Arne Høydal som har utvikla, og underviser i, det nye studiet.
(©NPK)