Opa kyrkje med bøn for Ukraina

Laurdag vert det opa kyrkje med bøn for Ukraina i Volda.

Det blir også arrangert fakkeltog gjennom gatene.

– I samband med at det er to år sidan Russland gjekk til åtak på Ukraina vert det arrangert solidaritetsmarkeringar rundt om i Noreg. I Volda står International Volda, Green Fingers og Den norske kyrkja som arrangør av ei slik markering saman med ukrainarar i Volda, skriv kyrkjeverje Jostein Stråbø i ein e-post til Volda kommune.

Frammøtestad og startpunkt for fakkeltoget er Sivert Aarflot-plassen ved Cubus.Der vert det appell før fakkeltoget går ei runde i sentrum og fram til Volda kyrkje.

– Ved Volda kyrkje vil vi sette opp ei bålpanne som faklane kan leggast i og brenne ut etter fakkeltoget. Her vil det vere to vakter som viser fakkeltogdeltakarane til rette, skriv Stråbø.