Straumen har vore vekke på deler av Vartdalsstranda og i ytre del av Hjørundfjorden søndag kveld.
Vakthavande i Mørenett, Tormod Eldholm, opplyste litt etter klokka 2200 at dei fleste villle få att straumen med det første, men at det er nokre abonnentar på Hjørundfjordstranda som må vente litt lenger.
Klokka 2215 melde Mørenett: «Brattheim- Klubbeneset er fortsatt ute. Rettetid her er ukjent inntil feil er lokalisert.»
Årsaka til straumbrotet er ein feil ved Rjåneset, skriv Mørenett på sine heimesider. Det er dei sterke vindkasta som har øydelagt kraftlinja.
Klokka 2030 var 759 husstandar utan straum, og det var meldt om at feilen var lokalisert og «rettetid ca klokka 22.00».
Klokka 1915 melde Mørenett: «Montørar leitar etter feil på Rjånes og Hjørundfjordstranda. Kundar mellom Rjånes-Festøy - Trandal er utan straum»