Egil Olsen gir ut dobbel vinyl

– Ei svart og ei kvit plate

Egil Olsen markerer denne hausten ti år som singer/songwriter. Jubileet vert markert med dobbelt livealbum, faste teikneseriestriper og ei rekke konsertar.

Jubileum: Egil Olsen feirar ti år som artist. 21. desember står på scena i Volda. Pressefoto  Foto: Pressefoto

Eg vart overraska av to kinesiske fans som tok turen eins ærend til Bodø

Egil Olsen
Nyheiter

– 1. desember slepp eg livealbumet på ekte! På dobbel vinyl! Ei svart plate og ei kvit plate, i matt utbrettcover med illustrasjonar og teikneseriestriper i, seier Olsen i ei pressemelding.

– Dette er den finaste utgjevinga eg har gjort. For det første inneheld den 20 av mine favorittsongar framført med både akustisk band, elektrisk band og eit lite orkester. Den er til og med delvis innspelt på sjølvaste Rockefeller. I tillegg, er dette ei av dei aller første vinylplatene som er trykt på det splitter nye (og einaste) vinyltrykkeriet i landet, Coastal Town Records i Egersund.