Det sa hovudtalar og tidlegare Volda-student Mah-Rukh Ali då Høgskulen i Volda hadde offisiell opning tysdag føremiddag. Av dei vel 4.000 studentane ved høgskulen hadde mange funne vegen sceneområdet utanfor Berte Kanutte-huset. Bård Aasen Lødemel og Runar Gudnason i Side Brok heldt minikonsert og fekk liv i publikum før det offisielle programmet tok til.
Gode søkartal
Høgskulen i Volda har hatt svært god søking til sine studium i år. Det samla talet på søkjarar frå Samordna opptak som hadde Høgskulen i Volda som førsteval auka med nesten åtte prosent frå i fjor, og 1.367 hadde eit ønske om starte på ei utdanning i Volda i haust. Tre av dei som hadde Høgskulen i Volda på søkjarlista var Arnstein Madsen Stokke frå Ørsta, Mathias Terøy Finnes frå Ørsta og Sander Bjørkedal frå Bjørkedalen. Madsen Stokke starta på årsstudium i musikk, Terøy Finnes tek årsstudium i samfunnsvitskap og Sander Bjørkedal starta på sosionomutdanning. På spørsmål om kvifor dei ville byrje ved Høgskulen i Volda svarar dei ferske studentane slik:
– Fordi vi ikkje vil reise heimanfrå, seier dei tre med ein etterfølgjande latter.
Ingen av dei ser føre seg at det skal bli mange studieår i Volda, men dei gler seg til byrje på høgare utdanning.
– Inntrykket vi har er at her er eit veldig bra miljø. Noko meir enn det veit vi eigentleg ikkje, men resten skal vi finne ut av i dag, seier dei tre som innrømmer at dei hadde litt sommarfuglar i magen.
Over 4.000 studentar
Høgskulen i Volda har vore godt nøgde med at grunnskulelærarutdanningane opplevde ei kraftig auke i førsteprioritetssøkjarar i år. Søkjartala til medieutdanningane er og aukande og det har vore konkurranse om studieplassane på sosionom- og barnevernspedagogutdanningane.
I fjor var det for første gang over 4.000 studentar ved Høgskulen i Volda, men rektor Johann Roppen er klar på at det ikkje er eit mål i seg sjølv å auke talet på studentar.
– Vi ønsker å vere ein høgskule for heile regionen, og det er vårt mål at heile regionen skal kjenne Høgskulen i Volda som sin høgskule. Både på ein festdag som i dag og i det daglege arbeidet, sa Roppen.
– Bruk pennen de har godt
Hovudtalar Ali kom sjølv til Volda som 21-åring på ein kald og grå dag. Ho oppmoda studentane til dyrke sin lidenskap ved sida av studiane og bad dei om å tørre å gå sine eigne vegar.
– De som er her i dag står framfor nokre av dei mest spennande og minnerika åra i livet. Det vil bety livslange relasjonar, opplevingar. De står med heil blanke ark, bruk pennen som de har godt og lykke til.