Merkur-programmet som organiserer over 500 nærbutikkar, har fått levert 400 skilt frå Foldal. Det første skiltet vart festa på veggen til Nærbutikken Kokelv i Kvalsund i Finnmark av statssekretær Anne Karin Olli i Kommunal- og moderniseringsdepartementet. Seinare har fleire ordførarar fått i oppdrag å skilte nærbutikkar i sitt område.
Merkur er Kommunal- og moderniseringsdepartementet sitt verktøy for å utvikle og styrke butikkar i Distrikts-Noreg. Butikkane får opplæring og hjelp frå erfarne bedriftsrådgjevarar, i tillegg til økonomisk støtte til investeringar.