Martin Hauge Nilsen og Arve Haugland står bak Fjellføreren, og begge har utdanning og kompetanse innanfor fjellførar-faget. No har det nystarta selskapet inngått eit samarbeid med Hotell Ivar Aasen om toppturweekend med lokale gastromiske smaksopplevingar.
Den første samlinga er komande helg der Klovetinden er turmål 15. juni. Dagen etterpå går turen til Eidstua, Grøthornet og Lisjetinden. Seinare i sommar og haust står mellom Rogestøylstindane på langs og tur til Bladet, Rander og Mohns Topp på programmet. Turfølgjet vil få matopplevingar og overraskingar undervegs på turane, og på hotellet etter turane.
– Dette er heilt nytt. Som eit ledd med overtaking av ny eigar, omorganisering og ein strategi og målsetting totalt for hotellet så vil gjestane og lokalmiljøet oppleve gradis utviklig i tilbod ved Hotell Ivar Aasen. Kundane ønsker attraksjonar og å få kulinariske opplevingar. Då er kjekt for å oss å kunne samarbeide med Fjellføreren om eit slikt tilbod, seier dagleg leiar Diana Moldskred.