Første motstandar for Volda var Nærbø. Volda var best i første omgang, og til pause var stilling 16-12 favør Volda. Andre omgang vart svært jamn, og Nærbø jakta på Volda si leiing. Med tretten minutt igjen av kampen var laga like langt, men ti minutt seinare tok Nærbø leiinga. Kampen enda med 29-28 siger for Nærbø, og Volda hadde då ei vanskeleg oppgåve framfor seg mot favorittlaget Fana.
Timålstap mot Fana
Volda heldt følgje med Fana halvvegs ut i første omgang, før motstandar rykte i frå. Til pause leia Fana med fem mål, 16-11. I andre omgang vart leiinga auka, og på det meste var Volda tolv mål bak. Til slutt vann Fana kampen 31-21, og dermed var Volda ute av kampen om opprykk til første divisjon.