Likar du å gå på tur, og har du tips til fine turmål?
Då kan du no tipse om dette, melder Ørsta kommune på heimesida.
StikkUT!-sommarsesongen er frå 1 mai til 31 oktober.
– Og no er det tid for å få innspel for kva for 15 turar det er ønskjeleg vi har som StikkUT! turar i år, skriv kommunen.
Det er nokre kriterium som gjeld:
Turskildring i www.morotur.no
Avklaring med grunneigar at det er OK at turen blir ein Stikk UT!-tur
Sjå til at turmålet ikkje er i konflikt med sårbart dyreliv
Unngå turar i hekkeområde/ved drikkevasskjelder/sårbar natur (myr) osv.
Unngå turar gjennom beiteområde for storfe
Vurdere om stien/råsa toler auka ferdsel
Alle kommunar bør ha minst ein trillevennleg tur, gjerne fleire (kan gjennomførast med barnevogn/sykkel/rullator/rullestol)
Nærturar der folk bur
Tilgjengeleg parkeringsplass for minst 4 - 5 bilar
Helst minst ein tur i kvar bygd
Berre etablerte turmål (ikkje bruk Stikk UT! til å gå opp nye stiar)
Frist for å melde inn framlegg er torsdag 9. februar.