Ørsta er kretsmeister i innandørsfotball – futsal.
Futsal-KM har vore spelt som serie over tre helger.
– Ørsta låg godt an før kampane i dag (laurdag), då dei leia med fem poeng og hadde to kampar igjen å spele i Norborg Fleirbrukshall. Bomba smalt aldri, og Ørsta gjekk dermed av med kretsmeisterskapet!, skriv Sunnmøre Fotballkrets på sine heimesider.
Det var berre tre lag med i siste runden, etter at eit par påmelde lag trekte seg.
– Ørsta-jentene sluttar ikkje å overraske. Mange av desse jentene vart også kretsmeistrar i futsal som j15 spelarar. Dei var også på topp i serien i fjor etter to helgar med seriespel. Corona avbraut diverre siste helga så dei fekk aldri den tittelen, men revansjen kom i dag, seier Geir Arne Aarseth, som er trenar,
Skodje kom på 2.-plass, som saman med Ørsta kvalifiserte seg vidare til regionalt sluttspel i Norgescupen i Trondheim i starten av februar.