På ei pressekonferanse på Ullevaal stadion offentleggjorde landslagstrenar Tor Ole Skullerud onsdag dei 23 spelarane som er med i troppen til U21 EM i juni. Molde-målvakt Ørjan Håskjold Nyland og Arild Østbø utgjorde målvaktsduoen i kvalifiseringa, og er begge med til EM. Håskjold Nyland har vore førstevalet til Ole Gunnar Solskjær i Molde etter at Espen Bugge Pettersen vart skadd, og voldingen har varta opp med fleire gode kampar for fjorårets seriemeister. I juni reiser han til Israel med U21-landslaget, og første kamp er mot vertsnasjonen 5. juni.

AaFK-spelarane Jonathan Tollås Nation og Fredrik Ulvestad var med i bruttotroppen til U21-landslaget, men er ikkje med i den endelege troppen.