Ørsta-siger mot Isfjorden

Revansjerte heimetapet og sikra seg to nye poeng.

Ørsta-jubel: Bak f.v. Helene Fagerhol, Malin Bjørnås, Synnøve Eikås, Nina Hustad, Michelle Holvik og Anne Nedreberg. Framme f.v. Karoline Dyrhol Slenes, Marthe Takseth, Mari Kvien Håskjold, Signe Medina Welle og Jeanette Tangen. Foto: Ørsta IL Handball

Etter ei kamppause på ein månad var det søndag igjen klart for seriekamp for damelaget til Ørsta handball. Laget låg på ein 4. plass i 4. divisjon, men med nokre kampar mindre spelt har dei framleis kontakt med Godøy, Spjelkavik og Isfjorden på plassane føre. Til kampen mot Isfjorden var Jeanett Tangen (tidl. Vestnes/Varfjell) og Synnøve Eikås (tidl. BSI-Handball) speleklare.

Ørsta tok initiativet i bortekampen mot Isfjorden, og gjekk til pause med 18-12-leiing. Gjestene heldt fram med å vere det førande laget i 2. omgang, og leiinga auka. Då sluttsignalet gjekk kunne Ørsta juble for to nye poeng med 30-19-siger.

Ørsta møter Hødd borte komande laurdag.

Kampfakta

Isfjorden - Ørsta 19-30 (12-18)

Ørsta: Helene K. Fagerhol, Jeanett Tangen, Marthe Kile Takseth, Mari Kvien Håskjold, Anne Nedreberg, Nina Hustad, Michelle Holvik, Malin Bjørnås, Signe Medina Welle, Karoline Dyrhol Slenes og Synnøve Eikås.