Tilbake til Brann?

Sivert Heltne Nilsen feirar skåring under eliteseriekampen mellom Bodø/Glimt og Brann på Aspmyra stadion i 2018. No er voldinga ønska tilbake til Bergen og Brann-drakta. Foto: Mats Torbergsen / NTB

Sport

Publisert: 08 januar 2021 12:57 Sist oppdatert: 08 januar 2021 13:06

VG melder fredag at Brann har lagt inn millionbod på voldingen Sivert Heltne Nilsen. Midtbanespelaren vart henta av far Lars Arne Nilsen til Bergen frå Vålerenga i 2015. Etter åtti kampar og seks skåringar gjekk turen vidare til danske Horsens. I 2019 vart 29-åringen henta av svenske Elfsborg.

Voldingen fekk kapteinsbindet for laget som enda på 2.-plass i Allsvenskan i fjor og har vore ein nøkkelspelar. Heltne Nilsen har tre år att av kontrakten med Elfsborg. I tillegg skal det svenske laget ut i europacupspel.

Ifølgje VG skal partane stå langt frå kvarandre, men Heltne Nilsen står høgt på ønskelista til Brann-trenar Kåre Ingebrigtsen.