44 nye personlege rekordar og mange friidrettsmedaljar på KM

Krinsmeisterskap i friidrett i Ulsteinhallen vart ein suksess for Ørsta IL friidrett. Med 44 personlege rekordar, mange klubbrekordar og mange medaljar viste friidrettsgruppa at forma er svært god.

Hurtigtog: Johannes Eiksund (G16) imponerte under krinsmeisterskapen i friidrett i helga. Han er no den raskaste utøvaren på 60 meter og 200 meter innandørs i klubben si historie. Foto: Ørsta IL friidrett 

Sport

Klubbens hurtigtog Johannes Eiksund (G16) spring raskare og raskare. Han fekk 951 Tyrvingpoeng på 60 m for løpet på 7,58 sekund, og 919 Tyrvingpoeng for sine 24,45 sekund på 200 m. Desse tidene er dei raskaste 60 m og 200 m innandørs som nokon gong er sprunge av ein gut/mann i Ørsta IL.

Ein som vert verkeleg spennande å følgje med i tida framover er Nahom Kibreab Ghebrehiwet (G18). Han begynte med friidrett rett før jul. Allereie no viser han til imponerande resultat og klubbrekordar innandørs. Han sprang 400 m på 54,06 og 800 m på 2,08,55. På 400 m var han berre 1,3 sek bak ein av landets raskaste 18-åringar, Harald Lund Johansen frå Sunndal IL.

Nahom Kibreab Ghebrehiwet.  Foto: Ørsta IL friidrett

Amalie Tomasgard (J17) trenar svært målretta er av dei som har hatt nesten kontinuerleg framgang dei siste åra. Ho vart krinsmeister på 800 m med 2,35,09. Ho tok sølv på 400 m med 1,04,65.

Amalie Tomasgard.  Foto: Ørsta IL friidrett

Filip Hoggen (G15) har flott framgang. Han var for første gong under 60 sek på 400 m med tida 58,98, ny pers og ny klubbrekord G15.

Filip Hoggen på toppen av pallen.  Foto: Ørsta IL friidrett

Elise Aarflot (J13) tok to gull (60 m og lengde), ein sølv og tre bronse. Ho sette klubbrekord J13 i lengde med 4,37 s og på 60 m hekk på 12,73 sek.

Oskar Mjelva Straume (G12) sette fire klubbrekordar i klassen G12, og tok mange medaljar. Høgdehoppet på 1,29 m var eitt av dei gode resultata hans. Søster hans, Maria Mjelva Straume (J14) sette ny PR og innandørsrekord J14 på 800 m 2,47,35.

Eirik Larsen Hasle, Oskar Mjelva Straume og Noah Digernes Merheb.  Foto: Ørsta IL friidrett

Det var så mange andre gode prestasjonar at vi får plass til alle her. Sjå resultatlistene på www.dimna.no

Ørsta IL friidrett stilte med 23 utøvarar på krinsmeisterskap i friidrett i Ulsteinhallen 26.-27. januar. Det var rundt 250 påmelde frå 35 klubbar på stemnet, fordelt på vel 700 startar.

Med suksess på KM og opning av Ørstahallen så har dette vore ei friidrettshelg av dei store!