Hovdebygda fornyar stallen

Seks nye spelarar er på plass i stallen til Hovdebygda. I tillegg held Kenneth Nydahl fram som hovudtrenar for 5. divisjonslaget.

Seks nye spelarar: Trenar Kenneth Nydahl har fornya kontrakten med Hovdebygda. Spelarstallen er og forsterka med Steffen Myklebust, Andre Dvergsdal, Oskar Telvik, Robin Skuseth og Martin Malones. I tillegg til Robert Roseth som ikkje er med på biletet.  Foto: Joachim Åsebø

Sport

– Vi starta oppkøyringa til årets sesong andre veka i januar. Vi er i Mørehallen to gonger i veka med gode fasilitetar, og så fotballtrening eller fysisk økt i Hovdebygda torsdagane. Det blir fysisk økt når det ikkje er baneforhold, og eg vonar at det ikkje kjem før om lag ein og halv månad, seier Nydahl med eit smil.

Hovdebygda hadde eit mål om å vere blant dei fem beste laga i 5. divisjon i fjor. Fasiten vart ein 6.-plass i ein sesong der det vart ein del utskiftingar av spelarar midtvegs. Før årets sesongen har Robert Roseth kome tilbake frå Rollon og vil forsterke Hovdebygda. Andre Dvergsdal har vore ein viktig spelar for Åmdal gjennom fleire sesongar, men no tek han på seg Hovdebygda-drakta. Steffen Myklebust var på lån frå Ørsta i fjor haust, men har no meldt overgang til Hovdebygda. Oskar Telvik frå Valder, Robin Skuseth frå Godøy og Martin Malones frå Træff er og klar for Hovdebygda og forsterkar laget.