Perlemål av Holen sikra Sæbø-poeng

– Eg er veldig stolt over det vi klarer å få til

Sæbø spelte på sine styrker, utnytta svakheitene til Volda 2 og sikra seg eitt poeng i 4-4-kampen torsdag kveld.

Bjørnar Holen vart kampens store spelar med tre mål.  Foto: Joachim Åsebø

Sport

Sæbø stod med seks poeng før den femtande serierunden og møtte Volda 2 som hadde sanka tjue poeng på sine kampar. Gjestene hadde eit favorittstempel, medan Sæbø ville prøve å revansjere 7-0-tapet frå i vår.

Det første kvarteret av kampen skjedde det lite framfor begge måla. Volda fekk den første sjansen i kampen, men Joakim Mo (15) i Sæbø-målet hadde ein god inngripen. Midtvegs i omgangen burde Yngve Frøland sendt heimelaget i leiinga, men avslutninga frå ti meter gjekk over mål. Både Bjørnar Holen og Marius Riise kom til brukbare sjansar like etterpå, men utan teljande resultat. Etter ein halvtime kunne dei grønkledde gjestene juble. Ei heading gjekk i bakken og forbi Mo i Sæbø-målet. Fem minutt seinare dobla Volda 2 leiinga ved Edvard Tødenes. Det gjekk nye fem minutt før Sæbø slo tilbake. Kristoffer Valseth vann ballen på Sæbø sin halvdel og førte den framover. Han spelte gjennom Holen som sikkert reduserte. Tre minutt seinare tok Holen med ballen inn i feltet på høgresida. Han fann Riise som vende av ein Volda-forsvarar og utlikninga til 2-2.