– Ørsta kjem til å vere minst like gode til hausten

At Ørsta skulle ligge på 4.-plass i 4. divisjon etter vårsesongen er betre enn forventa. Trenar Vegard Heltne meiner laget likevel ikkje har fått vist fram potensialet sitt.

God vårsesong: Ørsta har resultatmessig levert betre enn venta i vårsesongen. Hareid er første motstandar etter ferien. I vårkampen skåra Knut Erik Myklebust tre mål i 3-1-sigeren for Ørsta. Arkivfoto  Foto: Joachim Åsebø

Vi har ikkje fått ut potensialet som bur i laget, og der bur det ekstremt mykje meir enn det vi har vist til no

Sport

Sju sigrar, tre tap og ein uavgjort kamp er fasiten for Ørsta etter at dei første elleve serierundane i 4. divisjon er ferdigspelt. Mange hadde tippa at Ørsta skulle kjempe rundt midten av tabellen, men laget kjempar med Emblem, Volda og Rollon om 3.-plassen bak AaFK 2 og Bergsøy.

– Resultatmessig har det vore bra, men prestasjonane har vore litt opp og ned. Vi har ikkje fått ut potensialet som bur i laget, og der bur det ekstremt mykje meir enn det vi har vist til no. No teke vi poeng på innsats og vilje. Målet er at vi etter kvart skal vinne på rein kvalitet, i alle fall i 4. divisjon. Den dagen vi klarer vi det er Ørsta klar for å gå eit nivå opp, men vi er ikkje heilt der endå, seier Ørsta-trenar Vegard Heltne.