Tom og Bobbie reiser verda rundt på seks år – med pitstop i Ørsta

– I 1976 sette eg meg eit mål. Før eg fylte 70 år skulle eg ha besøkt 100 land. Det målet når eg.

Bali: Smaragdgrøne rismarker i Bali, langt frå turistsonene, midt i hjartet av landet. – Her vandra vi rundt i ein time på smale stiar i ein utruleg varme. Men det var verdt det, og menneska vi møtte var utruleg hyggelege og imøtekomande, fortel Tom og Bobbie Lucido. Bali og Indonesia besøkte dei i oktober 2018. Foto: privat 

reportasje

Tom (69) Lucido og kona Bobbie (61) Lucido frå Anchorage i Alaska sit heime hos Bjørn Helge og Kristin Kipperberg Ose på Vallabøen. Vegen frå heimbyen til Ørsta har vore lang, men innhaldsrik.