Fredag kunngjorde helse- og omsorgsminister Bent Høie (H) at han tilrår at akuttkirurgi-tilbodet ved Volda sjukehus blir lagt ned. Han vil ikkje legge ned dei andre akuttilboda, planlagt kirurgi eller fødeavdelinga.

Allereie no varslar sjukehuset at dei vil kjempe for akuttkirurgien. Synnøve Hill har, saman med dei tilsette ved kirurgisk avdeling ved sjukehuset, teke initiativ til fakkeltog for sjukehuset tysdag kveld. Hill er politikar for Senterpartiet i Ørsta og tilsett ved Volda sjukehus.

- Kjære allle som synest akuttfunksjonen ved sjukehuset vårt er viktig. Tysdag 24. november blir det fakkeltog for å vise støtte til Volda sjukehus, skriv ho i ei Facebook-melding fredag kveld. Meldinga har vorte delt av ei rekkje personar.

- Møt opp og tal Høie midt imot, heiter det i meldinga.

Senterparti-politikar og sjukehustilsett Synnøve Rekkedal Hill har teke initiativ til fakkeltoget.