Den største kreftsjukdommen rammar berre menn – sjekk deg i tide!

Difor oppmodar Prostatakreftforeningen menn – særleg dei over 45 – om å sjekke seg.

Dette kan gjerast enkelt ved å kontakte fastlegen og bestille ei enkel blodprøve (PSA-test). Slik kan kreftutviklinga oppdagast i tide.

– Alt for mange menn døyr fordi prostatakreften vert oppdaga for seint. For å kunne helbrede denne kreftforma er det heilt naudsynt å oppdage den før symptoma kjem, skriv Prostatakreftforeningen.

Kvar haust arrangerer foreininga den såkalla «Bartekampen» - ein kampanje for å bidra til forsking og spreie kunnskap om prostatakreft.

Men foreininga meiner at våren kan vere ei like bra tid å oppmode menn om å sjekke seg, og oppdage sjukdommen tidleg nok.

– Ei enkel blodprøve kan redde liv, understrekar foreininga.