På messa Stockholm Furniture Fair skal Ørsta-bedrifta lansere ein heilt ny møbelserie i heiltre av eik.

Det er barstolen Knekk som no har blitt til ein heil serie av møblar for sosiale møtestader. Og Fora Form satsar på at denne serien også skal slå an i utlandet.

Designar Jon Fauske. Foto: Marius Beck Dahle / Fora Form

Signaturprodukt

– Knekk har verkeleg blitt ein av våre signaturprodukt. Den har eleganse og funksjonalitet i eitt, og vi får gode tilbakemeldingar frå fornøgde kundar. Dette har gjort at vi no tar steget ut og lanserer ein helt ny produktserie i Knekk-familien, seier Thomas Haram i ei pressemelding.

Thomas Haram er dagleg leiar i Fora Form.

Thomas Haram, dagleg leiar i Fora Form. Foto: Roy-Arne Folkestad / Møre-Nytt

Knekk-serien kjem no i både stol, bord og benk. Knekk er designa av Jon Fauske.

Tilbehør

På den same messa i Stockholm vil Fora Form også lansere tilbehøyrsserien ON collection.

– Med ON collection ønsker vi å levere det lille ekstra for å skape hygge på arbeidsplassen og i sosiale soner, forklarer Thomas Haram.

ON collection består av ein serie lamper. I tillegg lanserer møbelprodusenten i Ørsta ulike fat og ei blomsterpotte som også er integrert i bordflata.

Messa Stockholm Furniture Fair går frå 7. til 11. februar.

Tilbehøyrsserien ON collection. Foto: Marius Bech Dahle / Fora Form