Bilferja «Eid» fekk igjen problem måndag. Ferja går i sambandet Sæbø – Leknes, og ruteselskapet Fram melder at ferja er ute av drift inntil vidare.

Det var like før kl. 16.00 problema oppstod. Då vart bilferja «Kværnes», som opererer mellom Standal og Trandal, rekvirert.

Frå kl. 16.30 trafikkerer «Kværnes» alle ferjekaiene i Hjørundfjorden, Standal, Trandal, Sæbø, Leknes og Skår, og går etter «gammal» rute.

Informasjon om rutetidene er på nettsida frammr.no.

Det har vore mykje problem med bilferja «Eid» den siste tida, og mellom anna har Norangdal grendelag reagert.