Politiet melder om ei trafikkulykke i Ørsta sentrum tysdag ettermiddag, og skriv på Twitter klokka 1735:
«Trafikkulykke i Ørsta sentrum. Kollisjon mellom to bilar. Uavklart skadeomfang. Brannvesenet er på staden og tek seg av trafikkforholda. Politi og ambulanse på veg.»
Vakthavande ved operasjonssentralen til politiet, Arild Reite, opplyser til Møre-Nytt at kollisjonen skjedde i krysset Dalevegen/ Anders Hovden-gata. Sjåføren i den eine bilen vart tatt med til sjukehuset for sjekk.
– Det er ein veg med vikeplikt så det er grunn til å trur at eine bilen har brote vikeplikta. Politiet er på staden og avhøyrer sjåførane, og sak vert oppretta, seier Reite.