No er tida komen for å stille klokka igjen. Men kva veg skal ho igjen?

Ein enkel hugseregel er å stille klokka mot sommaren. No er sommaren over for i år, og dermed skal klokka ein time tilbake. Klokka skal stillast klokka 03.00 natt til søndag.

Til våren skal klokka ein time fram igjen. Klokka skal altså følgje hagemøblane: Fram om våren og tilbake om hausten.

Noreg har hatt sommartid kvart år sidan 1980, og i 1996 fekk vi same sommartid som EU-landa, melder Nærings- og fiskeridepartementet. Dei har ansvaret for Justervesenet, som har dei mest nøyaktige klokkene i Noreg. Atomura er rette ned til under eitt mikrosekund.

- Natt til søndag kan alle sove ein time lenger. Det gjer vi fordi både vi og alle i dei fleste nabolanda våre likar å nyte dei lyse sommerkveldane, seier «tidsminister» Monica Mæland.

Opphavleg var energisparing motivasjonen for å stille klokka. No har vi sommartid for å få mest mogleg dagslys i sommarhalvåret.