Kulturavdelinga i Volda kommune søker ny biblioteksjef.

På si eiga heimeside skriv Volda kommune:

«Vil du bidra til at biblioteket vert ein sentral, relevant og populær kulturarena for alle aldersgrupper? Då er dette stillinga for deg. Vår nye biblioteksjef er god på arrangement og formidling og ser moglegheitene digitale verkty gjev.»

Folkebiblioteket i Volda ligg i sentrum av Volda, med ein filial i Hornindal, og har til saman 3,6 årsverk. Næraste nabo til begge lokasjonane er kulturarena med mellom anna ungdomsklubb, utlånssentral, aktivitetslokaler og kino.

-Vår nye biblioteksjef kjenner begeistring med tanke på kva moglegheiter det gjev. Vi ser etter ein leiar som er god til å bygge relasjonar og nettverk, som stimulerer til samarbeid og skaper utvikling, skriv Volda kommune.