Ørsta og Volda vakna opp til vinter på den første arbeidsdagen i det nye året. Varselet for dei neste dagane er likevel variabelt, og det ser ikkje ut til at snøen blir liggande særleg lenge i låglandet.
Måndag er det venta nordvest opp i frisk bris, med kuling på kysten i kveld. Det er venta snøbyger, og til dels sludd og regn på kysten.
Tysdag dreiar vinden på vest, og seinare på sørvest, med liten til sterk kuling på kysten. Det er varsla regn, men snø i indre og høgare strok. Om kvelden dreiar vinden tilbake på nordvest. Då er det også utrygt for haglbyger med tore.
Onsdag fell temperaturen igjen, og det ser ut til å bli snøbyger i Ørsta og Volda. Minkande bygeaktivitet om kvelden.
Torsdag er det varsla rolegare vêr og lågare temperaturar. Det ligg an til å bli -4 grader i Ørsta.
Fredag og laurdag aukar temperaturen igjen, og det ser ut til å bli regn og sørleg vind.
Savner du kulda? Da blir ønsket ditt oppfylt snart. Kaldere luftmasser (blå områder) beveger seg sørover i #Norge i løpet av helga pic.twitter.com/GoKz9yTFFA