Det vart ei veldig forsinka sesongopning på Vartdal skitrekki år. Og interessa var stor blant bygdefolket på opningsdagen.
– Det var stor stas å endeleg kunne opne trekket. Eg truddeeg måtte skrive null opningsdagar i boka i år, seier Gunn Fremmerlid Brandal,leiar for Vartdal skitrekk.
Har ope så lenge som råd
Onsdag 4. april var det endeleg nok snø til å opne trekket,etter ein heller snøfattig vinter. Med kring femti centimeter snø i bakken førtrakking var det dermed duka for leik ogmoro på snøbrett og ski.
Dei to siste sesongane har det vore veldig mykje snø, menvinteren 2009/2010 var skitrekket berre ope fire dagar.
Fremmerlid Brandal seier dei no kjem til å halde ope mestmuleg så lenge snøen ligg, og at det vil verte både nattope og grilling vedskitrekket dersom vêret tillet det.
Skitrekket vert drive på dugnad av idrettslaget på Vartdal.
– Har sett fram til dette
Då Møre-Nytt var på staden onsdag ettermiddag var det førtipersonar i bakken, og det var stadig eit jamt tilsig av folk.
I hovudsak var det den yngre garde som nytta seg av trekket.
Elise Kvien og Hildegunn Fremmerlid Brandal var to av deisom hadde leita fram snøbretta og kosa seg i bakken.
– Det er fantastisk at trekket opna. Eg har sett fram tildette lenge, sa Kvien.
– Det vert godt å sleppe å reise så langt for å stå påsnøbrett, meinte Fremmerlid Brandal.
