Statsforvaltaren i Møre og Romsdal inviterer kommunane i fylket til å bli med på krisehandteringsøving. Scenarioet for årets øving er atomtryggleik.
Statsforvaltaren har sett av to datoar, måndag 21. november og onsdag 23. november. Kommunane kan øve den dagen som passar best.
Statsforvaltaren håper alle kommunane deltek.
Øvinga vil gjennomførast som tidlegare år, der kommunen øver eigen kriseleiing lokalt i eigne lokale, med oppstart kl. 0900. Varigheit på øvinga er opp til kvar kommune, men Statsforvaltaren estimerer eit par – tre timar.
Kommunane har tilbod om kompetanseheving i forkant av øvinga.
Direktoratet for strålevern og atomtryggleik (DSA) står for gjennomføring av kompetansehevinga, som haldast digitalt torsdag 3. november.