Det seier Stine Terese Vatne Riise frå utlånssentralen i Ørsta kommune. Er du ein av dei som aldri har orka å invistere i skiutstyr og fekk brått lyst ut ein tur, så har du sjansen no.
– Kanskje kan det lokke med enten ein langrenn- eller trugetur? Akematter, skeiser, snowboard eller slalåm? For å hjelpe deg litt på veg har vi mange kjekke utlånssentralar og ordningar rundt omkring som kan by på dette, også i Ørsta og omegn! Ørsta utlånssentral syrgjer for å gjere deg klar til skiløypa i Daleteigane, Ørsta Skisenter eller om du skal ut å reise og vil låne med deg utstyr. Vi har gode felleski til vaksne, og smørefrie ski for born, heilt ned i alderen fire år. Skivogn har vi også, samt splitter nye snowboard. Slalåm må vi førebels freiste lukka med på BUA i Volda, seier Vatne Riise.
Og viss snøen regnar vekk i ferien så er det fortsatt håp.
– Om det er lite snø men du likevel har lyst ut å finne på noko, så skal det vere ei råd med det med. Vi har syklar og bålpanne, gåstavar og sparkesyklar, lavvo, redningsvestar og andre uteleiker for å nemne nokre. Og manglar det noko? Då forsøker vi å få tak i det! Utlånssentralen er ute etter å skape trivsel og glede til ørstingar gjennom deltaking i aktivitetar. Sentralen er for alle, og utlånet er sjølvsagt gratis, fortel Stine.
Utlånssentralen er helder ikkje vanskelege å nå tak i.
– Kontaktinformasjon for å avtale utlån finn du på kommunen sine heimesider, eller du kan gå via Småjobbsentralen si Facebookside. Og du, vi har ope heile året! Seier Stine.
