Ingrid Opedal er nestleiar i utdanningsutvalet i fylket, og som fylkespolitikarar seier ho at planane om eit interkommunalt samarbeid er spennande.

– Dette er ei sak som vi ikkje har hatt oppe i utdanningsutvalet, men eg kan vise til kva Ulsteinvik har fått til. Dei får bygd hall og samarbeider med fylket der fylket går inn og leiger hallen til kroppsøvingstimar og kontor for Ulstein vidaregåande skule. I tillegg har også Hødd fått ein oppgradert hall. Når det kjem til Ørsta sin tur så har det vorte sagt at det skal lagast ein utviklingsplan for Ørsta vidaregåande skule. Då er desse planane noko som eg absolutt vil ta med meg inn i saka, seier Opedal.

Som kommunepolitikarar har Opedal tidlegare sagt at Ørsta skal satse på fleirbrukshall og Volda på kulturhus. Ho viser til at det er mange planar om skuleutbygging i fylket, og dei i Ålesund også samarbeider med fylket for å få til Spjelkavikhallen.

– Eg kan ikkje love noko, men Ørsta står på lista. Som representant for området skal eg sjølvsagt gjere det eg kan for at både for at ein generelt skal få oppfriska skulen, men får ein også til eit samarbeid med idrettsmiljøet så det ein vinn-vinn situasjon slik eg tenkjer det.