Offensiven skjer ved at representantar frå selskapet stiller seg opp utanfor skulane og deler ut biblar til ungdomsskuleelevane.
Avdelingsleiar i Gideon, Egil Straume, skriv i ein epost til ordførarane på Søre Sunnmøre at Volda ungdomsskule får besøk i dag, 1. februar, medan elevane på Ørsta ungdomsskule må vente i to veker. Der vert det bibelutdeling onsdag 15. februar.
Straume fortel i eposten til søre-ordførarane at ungdomsskulane Folkestad, Sæbø, Vartdal, Ulstein, Hareid, Fosnavåg, Gurskebotn, Stoksund/Herøy, Åheim og Syvde får besøk.
– Bibel-utdelingane vil verte utførte av to – tre mann, skriv Straume.
Han gjer merksam på at Gideon har fått godkjenning frå Møre og Romsdal politidistrikt, og håper no at også kommunane Ørsta, Volda, Hareid, Ulstein, Herøy, Sande og Vanylven stiller seg postive til bibel-utdelinga.