17. mai 2014 er det 200 år sidan Grunnlova vart vedteke av riksforsamlinga på Eidsvoll. I samband med jubileet har Stortinget invitert alle ungdomsskuleklasser i landet til å delta i konkurransen «Klassens grunnlov». Oppgåva som går til ungdomsskuleklassene er at dei skal lage ei ny grunnlov. Ørsta ungdomsskule har meldt seg på konkurransen, og har invitert stortingsrepresentant Fredric Holen Bjørdal (Ap) til skulen. Han skal snakke med elevane om arbeidet på Stortinget, korleis maktfordelinga er i Noreg og litt om grunnlova.

Vinnarklassa i konkurransen vert invitert til Oslo, og vil få eit heilt spesielt møte med Stortinget. M.a. vil klassa delta i den offisielle feiringa av Grunnloven i stortingssalen 15. mai 2014.