Onsdag 22. juni vart det arrangert kranselag og sommarfest med pizza og brus for dei som arbeider med det nye tilbygget til Ørsta ungdomsskule.
Dette melder kommunen på heimesida si.
– Prosjektleiar i Ørsta kommune, Jan Vikestrand, ønskte alle velkomne til markeringa. Ordførar Stein Aam tok deretter ordet. Han fortalde m.a. litt om kva prosjekt som er under utføring og utvikling på byggsida i Ørsta kommune. Vidare takka han alle arbeidaranefor framifrå utført arbeid så langt, skriv kommunen.
Prosjektleiar Terje Melseth i entreprenøren Hent AS takka for oppdraget og fortalde kva det betydde for dei å få bygge for Ørsta kommune.
– Han poengtere at det er eit godt samarbeid med alle involverte partar i prosjektet, skriv kommunen.
Deretter tok assisterande kommunedirektør Eldar Rune Øye ordet. Han takka for samarbeidet med Hent AS og arbeidet prosjektgruppa i Ørsta kommune gjer.
Til slutt vart dei ei synfaring rundt om i bygget for dei inviterte gjestane.
Arbeidet med utviding av ungdomsskulen starta i byrjinga av november i fjor. Arbeidet skal etter planen vere ferdig i november i år.
Dette vil gi 1855 nye kvadratmeter med inneareal til ungdomsskulen.