Ørsta kommune er medlem i Sunnmøre Friluftsråd og er derfor med på Stikk UT! Vinterfottur for andre gong.

Og no ber kommunen om hjelp frå folket til å finne fine vinterfotturar.

Stikk UT! Vinterfottursesongen er frå 15. desember–10. april, og kommunen vil ha innspel på vinterfotturar innan 13. oktober 2022.

Det er nokre moment som er viktige når det gjeld val av vintertur, skriv kommunen:

Sjå til at turmålet ikkje er i konflikt med sårbart dyreliv.

Avklaring med grunneigar.

Nærturar der folk bur.

Tilgjengeleg parkeringsplass.

Solid underlag som tåler slitasje vinterstid.

Vintertilhøve, ikkje fare for snøskred eller is-sprang.

Variasjon i innan grønne og blå turar.