Ørsta kommune har tilsett ny kommunalsjef for oppvekst, kultur og inkluderingssektoren. Kari Flø, har takka ja til stillinga og vil byrje 1. september, melder Ørsta kommune.
Flø kjem frå stillinga som rådgjevar skule/personal, men har sidan 2018 vore konstituert personalleiar i kommunen.
Ho har tidlegare vore inspektør ved Velle skule og administrativ leiar av PPT.
Som kommunalsjef vil ho gå inn i kommunedirektøren si leiargruppe saman med ass.kommunedirektør, to andre kommunalsjefar, økonomileiar og personalleiar.