Her finn du turtips

På morotur.no får du turtips frå Ørsta, Volda og resten av fylket.

Ørsta kommune minner på si heimeside om at du også kan legge inn turar du meinar bør vere med i oversikta.

Morotur.no er ei nettside som Møre og Romsdal fylkeskommune i samarbeid med kommunane og frivillige turentusiastar står bak. Nettsida presenterer eit variert utval av fot-, ski-, sykkel- og padleturar. Målet med Morotur er å gjere flotte naturopplevingar lettare tilgjengeleg for innbyggjarane, besøkjande og turistar.

Veit du om fleire turar, gjerne nærturar, i kommunen vår som ikkje er registrert på morotur.no?

Turane på morotur.no er registrert inn av frivillige turfolk. Du er velkomen til å legge inn turar som du meiner bør vere med i oversikta. For å registrere ein ny tur opprett ein brukar i systemet. Meir informasjon og rettleiing om dette nede på denne sida: https://morotur.no/om-morotur

Morotur leverer også turskildringar til Stikk UT!