Ny korona i Volda

Koronatesting i Hovdebygda.  Foto: Illustrasjonsfoto Svein Nordal

Nyheiter

Volda kommune har fått melding om eit nytt positivt tilfelle av covid-19.

- Personen var i reisekarantene etter retur frå utlandet 12. februar. Personen hadde ikkje symptom då testen vart tatt i dag 19. februar. Det er valt skjerpa tiltak inntil avklart mutasjonsanalyse, skriv Volda kommune i ei pressemelding fredag kveld.

Nærkontaktar er sett i karantene. Samtlige er lokalisert i Volda.

- Situasjonen ser førebles ut til å vere under kontroll, men den blir følgt tett, skriv kommunen.

Det er nesten fire veker sidan siste positive koronaprøve i Volda.