Oppgraderinga av Hotel Union Øye handlar om meir enn hotellutbygging

– Vi skal redde bygda

Hotel Union Øye har vore eit landemerke sidan 1891. Utbygginga som no vert gjort skal opne nye marknad og gir framtidshåp for den vesle bygda mellom fjella.

Hektisk: Hotelldirektør Mariann Øye er stolt og audmjuk for å vere ein del av den storstilte satsing som skjer ved Hotel Union Øye. Det ærverdige fjordslottet og området rundt er no ein stor byggeplass, men 15. juni skal første byggesteg vere ferdigstilt slik at hotellet kan halde dørene ope i tre månader. 

Det er ein skrekkblanda fryd å få lov til å vere med på dette

Mariann Øye
Nyheiter

Februar brukar å vere ei roleg tid på Øye, men no er situasjonen ganske annleis. Området rundt Hotel Union Øye har blitt ein stor byggeplass. Mellom 150 til 200 millionar kroner skal nyttast for å oppgradere det ærverdige fjordslottet under Slogen.