Vikebygdvegen er sperra

"Det er sjukt glatt"

Tysdag kveld melder politiet om to trafikkuhell i Volda. Det er også utforkøyringar.

Ein bil utfor vegen ved Krøvelseidet.  Foto: Privat

Nyheiter

Den eine meldinga gjeld ein tankbil som har køyrd seg fast i Vikebygdvegen. Bilen sperrar vegen. Politiet er på staden. Det vil ta tid å få rydda vegen, opplyser politiet til bebuarar i området.

Ein personbil sklei også inn i tankbilen. Det er svært glatt på staden

Møre-Nytt har fått tips om ei utforkøyring på Krøvelseidet.

- Det er sjukt glatt, seier vitnet.

Det vert likevel rådd til at Krøvelseidet og fv. 655 vert brukt som omkøyringsveg medan bilberginga held på i Vikebygda. Dette gjeld også dei som kjem frå Reset, ifølgje vegtrafikksentralen.