God dag-praten med Ariana Rebbestad

- «Jau». Det er eit godt ord

  Foto: privat

Nyheiter

Korleis er kvardagen din?

Ganske hektisk. Etter skule kjappar eg meg heim for å ete litt mat, så er det stort sett trening resten av kvelden, og litt lekser. Eg er særleg glad i å drive med alpint og fotball, og så lenge eg likar det så godt som eg gjer, så prøver eg også å satse for å verte best mogleg.

Kva aktuelle saker opptar deg for tida?

Det er stort sett trening det går i for meg. Korleis eg skal trene, og korleis eg skal trene meg opp til alpinsesongen. Det vert mykje barmarkstrening for å ha kondisjon, og styrke for å klare meg godt i løypa. Så er eg opptatt av å sette av tid til å vere saman med vener også. Så mykje anna enn det har eg ikkje tid til.